vendredi 15 juillet 2011

قف هنا جامع

عسلامة،

سامحونا كان وخرنا شوية في أخذ موقف، الله غالب بكلنا حاركين في الملتقى إلي انظموه غدوة السبت 16 جويلية 2011 في المرسى، في البطحة إلي بحذا دار الشباب مع الستة متاع العشية. هذاكة علاش ما تفاضينا كان تو باش نعبرو على موقفنا من إلي صار في جامع القصبة، اليوم 15 جويلية 2011.

أولاً احنا ما يهمناش الإعتصام و ماناش باش نحكيو عليه. احنا باش نحكيو على تجاوز خطير و "مقزز" صار ضد جامع في تونس. الجامع إلي كيف ندخلولو إنحيو صبابطنا و الكلاسط إذا فيهم ريحة خايبة. الجامع إلي كيف نتكلموا فيه نوشوشو حتى إذا كنا وحدنا و هذا خاطروا مقدس و مكان للخشوع. الجامع إلي أول ما ندخلولو نعملوا ركعتين تحية المسجد كتعبير على احترامنا ليه و ترفيع لمقامو. الجامع إلي يمثل واحد من أهم الرموز لدينينا.

اليوم اقتحمت الشرطة الجامع باش تفك إعتصام بالقوة. بطبيعة الحال ما خرجوش المواطنين بالتنويم المغناطيسي أو بدرس ديني. الكلنا نعرفو تعاملات الشرطة و نعرفو إلي في حالات كيف هاذي، العنف يكون حاضر مادياً و لفظياً. معناها اليوم أفعال و أقوال منحطة صارت في جامع القصبة. إذا صارت في القدس يمكن ما نستغربوش برشة إلي صار، لكن هذا صار في تونس و ما يقبلوا حتى شخص مهما كانت معتقداتو. مكان عبادة يلزم نحترموه و الإعتداء على حرمتو و قداستو "جريمة خطيرة" ما يسكت عليها حد.

اليوم الأحزاب الكل اتفقت على تحييد دور العبادة و الصلاة عن العمل السياسي و باش ما ندخلوهاش في معمعة الإختلافات و الحسابات متاع مجموعات على حساب مجموعات اخرين. هذا يعني إلي عون الأمن، بنفس المناسبة، ما عندوش الحق باش يقوم بأي تدخل في وسط الجامع إلا في حالة ما ثمة خطر على حياة المصلين أو إذا كان دخل باش يصلي على روحو كمسلم موش بصفة عون أمن.

الإعتداء إلي صار على الجامع اليوم هو إعتداء على مقدساتنا و احنا نرفضوه مهما كانت الأسباب و الأشكال. كشباب حزب "أفاق تونس" أو كحزب "أفاق تونس" متفقين إلي المسؤولين على المهزلة إلي صارت اليوم يلزم يتم التحقيق معاهم، تحديد المسؤليات و العقوبات اللازمة على المخالفين. كيف طالبنا الأمن باش يخدم خدمتو و يتصدى للتجاوزات، ما قصدناش كونو يولي الأمن عندو صلوحية مطلقة في التعامل مع إلي يراهم مخالفين.

و تحيا تونس

17 commentaires:

  1. يضربوا بالحجر ومتخبين في الجامع.. اش تعمل معاهم؟

    RépondreSupprimer
  2. Bjéh rabbi fél jéma3 fama 7jar howwa?

    RépondreSupprimer
  3. ti brabbi houma dé5lin lél jamé3 bésbabéthom w yghaniw w y3aytou w m3ahom bnet,ti houma elli dansouh el jémé3 9bal el 7akém,wel 7jar rahom jéybinou mel léwél,5ater el 200 wé7éd elli mchéw lél 9asba néss ma3andha ma ta3mél,y9asrou fil wa9ét,w yéstéhlou akther men hédha....

    RépondreSupprimer
  4. @anonyme 2:
    etant incapable d'ecrire en français encore moins en arabe...j'ai des doutes sur ta qualité de commentateur...pourquoi ne pas dire que ta profession est policier! cela n'a rien de grave! plutot que de proferer des aneries!

    RépondreSupprimer
  5. Flic ou pas Flic si ce qu'il dit est vrais il faut en tenir compte donc le mieux c'est de trouver d'autres témoignages. moi même j'ai été à El kasba je ne suis pas resté longtemps il était 15h20 et ce que je peux affirmer c'est que le nombre de manifestant était faible celui des forces de l'ordre important aussi bien en militaires qu'en BOP ils étaient pour la plupart décontractés par petits groupes à l'ombre qui d'un mur qui d'un arbre.

    RépondreSupprimer
  6. j'étais pas là, je ne sais pas ce qui c'est passé, mais à ceux qui disent que les "mo3tassmin" jettent des pierres, je pense que même si c'est le cas, la police avec ses casques et ses boucliers anti émeutes aurait pu supporter quelques coup et attendre que les "munitions" de leurs assaillants finissent..
    et pour celui qui a ddit "ti brabbi houma dé5lin lél jamé3 bésbabéthom w yghaniw w y3aytou w m3ahom bnet.." donc pour toi ça justifie que la police à son tour saccage le lieu?

    RépondreSupprimer
  7. كان نقّصتوا مالأفلام خير ناس غايرة عالجوامع و تعمل في تمثيليّات باش تلعب بمشاعر لعباد و إنتوما ماشين معاهم في الخط ستر ربّي موش طريحة موش إثنين كليتوها من عند النّاس هاذي إلّي يتاجروا بالدّين و يعتبروكم كفّار زعمة شبيها عمرها ما صارت لحكاية هاذي في الثورة و القصبة 1 و 2 يا ذكيّين ؟!!!

    RépondreSupprimer
  8. ya anonyme ya mounafe9 wala centre dapelle
    je te repond pas 5atrek matestahelch ema rabbi bech yjawbek fi 3iltek w fi khedmtek ...
    tot ou tard bech tjik ma3andek mnin hareb men rabbi
    pour les autre hawa wa7ed men ex rcd wala centre dapell kima t7eboutasmiwhom :)))
    markhsou ema matkhafech fl akher tounes heya elli bech terba7 wkolkol 3ala barra

    RépondreSupprimer
  9. au début,je suis l'anonyme 2,@aymen: je suis pas flic, je suis ingénieur informatique dans une grande socièté multi-nationale et je suis aussi un jeune entrepreneur (je dirige une socièté de 20 employés),and i'm really sure that i speak better than you either in arabic,french or english.Another thing,even i'm a policeman, i have the right to give my opinion.
    Enfin,yé si aymen on ne juge pas les gens sur leur niveau linguistique.et je le redis une autre fois,énnes elli mchéw lel 9asba néss fadhya chghol,w ydhorou fil bléd w fi é9tissad el bléd,w dharéb chwaya fihom,bé9i maféhmouch elli el gouvernement n'a pas une baguette maguique pour tout changer en un clin d'oeil.En plus, tout changement radicale dans ce pays doit être effectué aprés les elections du 23 octobre et par les gens choisis par le peuple lui même.

    RépondreSupprimer
  10. bon je trouve que tout ce qu'ils disent les jeunes de (hizeb afek ) du n'importe quoi je sais pas à quoi sert i3tissam kasba 3 normalement on pense à autres chose à protéger notre pays parceke je vois que tounes bech tod5el fi 7iit on va etre comme afganistan et soumal .... tout le monde arabe ken yghir menna w tawa apparament bech nerj3ou lil 200 ans arrière franchement j'ai envie de dire bcp de trucs mais je sais que ça sert à rien parceke j'ai constaté que nous sommes pas le peuple cultuvé que j'ai tjr imaginée

    RépondreSupprimer
  11. انا معك قولاً أجادلك فيه حسنى ولا أوافقك فيه سباً وشتما ...غناش له وزرا الداعي إلي سبيل ربك بالعنفا سوف ولا يجد من لدن ربك بعدها مخرجا يغنيه عن ما يبثه أصحابه رعبا وعنفا ، الملتحين وسحاً : المقمليني قملا....المخدرين شما والملتحفات خماراً يخلفن خلفهن عرقاً وريحة ...سوف ينتقم منهم الله أو يسمح لنا بأن نشبعهم طريحة ....ولكننا قوماً موهدبون لنتركهم يتعدبون و في بهامتهم يعمهون إلا من أصلحا وتعفف و ترك الله يحكم عباده ،واستكفى بروحه

    RépondreSupprimer
  12. khatikom manich m3kom
    انا معك قولاً أجادلك فيه حسنى ولا أوافقك فيه سباً وشتما ...غناش له وزرا الداعي إلي سبيل ربك بالعنفا سوف ولا يجد من لدن ربك بعدها مخرجا يغنيه عن ما يبثه أصحابه رعبا وعنفا ، الملتحين وسحاً : المقمليني قملا....المخدرين شما والملتحفات خماراً يخلفن خلفهن عرقاً وريحة ...سوف ينتقم منهم الله أو يسمح لنا بأن نشبعهم طريحة ....ولكننا قوماً موهدبون لنتركهم يتعدبون و في بهامتهم يعمهون إلا من أصلحا وتعفف و ترك الله يحكم عباده ،واستكفى بروحه ،ولي جماعة القصبه ،خلي البوليس يكثركم تكسيرا ولاتجدو من الله لل معينا ولا نصيراً إلا من فتش عن خدمة وترك الخبزة الباردة وعمل شارع بورقيبة مورده نصبة

    RépondreSupprimer
  13. les français militaires et civiles au temps de l'occupation n'avait pas le droit de poursuivre les combattants tunisiens réfugiés dans une mosquée.et ce par respect aux lieux saints.

    RépondreSupprimer
  14. الجامع للصلاة و ليس للاعتصامات / الشرطة اضطرت لاقتحام الجامع لتطهيره

    RépondreSupprimer
  15. a mon avis!! la police est un instrument qui fais la force du gouvernement, supposons que ces policiers ont peur d'êtres licenciés et perdes leurs salaires, alors ils ont agis, et leurs réaction et démesuré et montre leurs manques de lucidité et de professionnalisme, mais il ne sont pas les seuls, les média malgré qu"ils étais opprimés sont aussi a mon avis!! coupable, exemple: dans les cas des tunisiens a paris l'affaire Botzaris le crs français a voulut évacué de force les individus qui occupés le bâtiments de l'ex rcd, malgré qu'il étais des étrangés et n'avais pas de permissions de séjour, dans un premier lieu le crs a voulus rapidement et sauvagement les faire sortir or ça a échoué grâce a quelques cameras de citoyens journalistes qui sont arrivé sur place,ça a changé la donne et crs commence a négocié avec les jeunes et fini par les dissuadé de sortir et de les aidée a amélioré leurs situations, finalement ce ci pour dire qu'il y a plusieurs manières de procédés si les médias augmente la pression en montrant les revendications même des minorités le comportement de la police tunisienne changera et optera pour des mesures urgentes et des réformes penchantes vers l'amélioration cette instrument qui est d'une nécessité fatale dans la relation peuple gouvernement qui est très déjà dégradé pour une bonne majorité.

    RépondreSupprimer
  16. nahdha salafisme = y en a maaaaaaaaaare

    RépondreSupprimer
  17. ya wladi tounes c fini

    RépondreSupprimer