عسلامة،
كان تتفكروش أول تدوينة تكتبت هوني، حكينا على دور الشباب في الأحزاب. وقتها قلنا إلي الشباب في حزب "أفاق تونس" مناضلين بالفم و الملا. ناس يخدموا في خدمة صحيحة باش يقلعوا بلايصهم في الحزب و اللجان إلي ينشطوا. اليوم حبينا نحكيولكم على خبير مزيان "لو مكسيموم" هذاك علاش كملوا أقراو حتى للأخر.
اسئلة خطيرة :
علاش كل ما يجي شكون يحكي في التلفزة في الأسابيع الأولى إلي بعد الثورة كان يحكيلنا على دور الشباب و الشباب تباركالله عليه، الشباب هدالنا الحرية، الشباب عطانا الديمقراطية (ياخي غرتو عليها و خليتو الشباب على مقعد الإحتياط يتفرج)، ... و هات من هاك اللاوي !؟ اش بيهم اليوم نساو الشباب ؟ علاش العباد الكل خذات حضها و حكات في وسائل الإعلام و قعد الشباب مرهون في شوية بلوغات (مدونات) و الفايسبوك، نهار إلي تقص الأنترنات ما يلقى وين يسمع صوتو ؟ اش بيهم في الملتقيات دور الشباب محصور في فنان يغني و إلا عون إستقبال و بالطبيعة التصفيق ؟
نلعب و إلا نحرم
السؤالات هاذي سألناها في حزب "أفاق تونس" بعد ما ورينا إلي احنا ناضجين بما فيه الكفاية. الحقيقة، الكل كانوا متفقين معانا في فكرة "الشباب لازمو ياخذ الكلمة" و تم تفاهمنا باش نعملوا ملتقى ينظموه شباب حزب "أفاق تونس" و ينشطوه و يكون كيف ما يحب أي شاب تونسي تكون الملتقيات متاع الأحزاب. من غير ما نقولولكم إلي ولينا نخدمو دوبل و تريبل (Double و Triple) خاطر عارفين إلي نجاح الملتقى هذا مش باش يحل البيبان لشباب حزب "أفاق تونس" برك، لكن للشباب التونسي بصفة عامة : وسائل الإعلام باش يفهموا إلي برنامج أو زوز في الأسبوع ما يكفيوش باش نعبرو على افكارنا و طموحاتنا، النشاط السياسي يولي ما عادش حكر على الكهول و "المسنين"، ... و علاش لا نشوفو نهار وزير شباب أقل من 35 سنا (موش 60 سنا فما فوق كيف ما عودونا) !
شنوا رايك ؟
الملتقى هذا إخترنالو شعار "شنوا رايك ؟" و ماهوش سؤال إنكاري، لكن دعوة صريحة باش الشباب يعبر على موقفو و يطالب باش يكون عنصر فاعل في المجتمع و في تقرير مصيرو. الشباب (بين 18 و 30 سنا) يمثلوا أكثر من 60% من المنتخبين، بالفلاقي "الاخرين يلموا بعضهم في جمعية و ما يربحوناش" ! مصير تونس إنجموا احنا نسطروه كان نختارو باش نتحملو ها المسؤلية.
وين و وقتاش ؟
نهار السبت 16 جويلية 2011 في العشية (الوقت تو يتم تحديدو لاحقاً) على شط المرسى (بحذا دار الشباب) باش نخرجو من البلايص المسكرة و يكون الجو صيافي. شوية غنا، شوية جد و مواضيع تهم الناس الكل موش الشباب فقط و حوارات مفتوحة باش نتناقشو و نتبادلو الأراء و طريقة رؤية الأشياء. حضوركم يشرفنا.
يحيا الشباب و تحيا تونس
Bravooooo!Afek Tounes qui compte sur une tranche non négligeable(si ce n'est majoritaire)de la population tunisienne(LA JEUNESSE)et qui a été toujours laissée de côté.Au dirigeant de ce parti avant-gardiste faites comme a dit celui que je n'ai jamais aimé "ILAL AMEM".De la part d'un vieux tunisen.
RépondreSupprimerpenser à le retransmettre en live (sur internet)
RépondreSupprimerje vous en prie 8'{
@Anonyme : Merci pour vos encouragements
RépondreSupprimer@ilbrèèbchi : Nous ferons tout ce qui est dans notre pouvoir pour pouvoir transmettre sur internet ;) et soyez certains que ce meeting ne sera pas une exception, mais, le premier d'une longue et interminable série d'autres meeting de jeunes, dans toute la Tunisie.
@ Afek Tounes
RépondreSupprimer1°) Prière,indiquez nous le site internet du parti sur lequel on peut suivre son activité.
2°) j'ai été heureux d'apprendre que les meetings vont se multiplier:de cette façon vous serez plus proche de la jeunesse et vous couperez l'herbe sous les pieds des partis "retros" qui se prennent pour des leaders en matière de politique.
Jeune retraité
Nous avons mis à jour le Blog avec une nouvelle section où on peut trouver tous les liens qui se rapportent à Afek Tounes.
RépondreSupprimerBienvenue à tous